NOVENA SA MGA GADAN

PART 1:

Pamibi kan Santo Rosario

 
Lunes asin Sabado - Mga Misteriong Maogma
Martes asin Biernes - Mga Misteriong Mamundo
Miyerkoles asin Domingo - Mga Misteriong Mamuraway
Huebes - Mga Misteriong Maliwanag

PART II:

Mga Santos kan Dios madya sa pag-tabang sainda! mga Angeles kan Kagurangnan,
mag- sabat kamo sainda! An saindang kalag akoon asin idolot sa Kagurangnan.

Santa Maria, Ina kan Dios, Ipamibi mo sinda
San Jose, Ipamibi mo sinda
San Pedro asin San Pablo, Ipamibi nindo sinda
Gabos na Santos asin Santas nin Dios, Ipamibi nindo sinda

Mamibi kita...

O Dios, Kagtubos nin katawohan, tawan sa saimong mga aking nagkagaradan an
kapatawaran kan saindang mga kasalan asin huli sa saimong pagkamaheherakon
makamtan logod ninda an saindang pinagmamawot na kapatawaran, Ini hinahagad mi
sa ngaran ni Jesukristo na samong Kagurangnan, Amen.
 

Kagurangnan, itao Mo sainda an kapahingaloan na daing kasagkoran.

Asin magbangraw sa sainda an liwanag na daing katapusan.

Mapasainda logod an katoninongan sagkod pa man. Amen.

PAMIBI SA MGA KALAG SA PURGATORIO

Orog na maheherakon na Puso ni Jesus, na yaon dayaday sa Santisimo Sakramento
sa altar, orog na naglalaad sa pagkamoot sa mga nabibilanggo na mga kalag sa
Purgatorio, kaheraki an mga sorogoon Mo, Hare paghigpiti an saimong paghokom,
kundi patoroa man an saimong Dugo sa malaadon na kalayo; Maherakon na Paratubos,
padarhan man an mga banal mong mga angeles sa pagdara sainda nin liwanag asin
katoninongan. Amen.

Mapasainda logod an katoninongan na daing kasagkoran.

Magbangraw sainda an liwanag na daing katapusan.